ירמיהו 37

Name: ירמיהו
Author: BiblePics
ISBN: Your ISBN Number

בירמיהו 37, המלך צדקיהו שולח שני פקידים לירמיהו כדי לברר על תוצאות המצור הבבלי. ירמיהו מנבא שהבבלים יכבשו את ירושלים ומייעץ לפקידים להיכנע. הפקידים מדווחים למלך, אך הוא אינו מקשיב ובמקום זאת עוצר את ירמיהו ומכניס אותו לכלא.

פסוקים

●

min

Bible version

1 וימלוך-מלך--צדקייהו, בן-יאשייהו: תחת, כוניהו בן-יהויקים, אשר המליך נבוכדראצר מלך-בבל, בארץ יהודה.

2 ולא שמע הוא ועבדיו, ועם הארץ: אל-דברי יהוה--אשר דיבר, ביד ירמיהו הנביא.

3 וישלח המלך צדקייהו את-יהוכל בן-שלמיה, ואת-צפניהו בן-מעשיה הכוהן, אל-ירמיהו הנביא, לאמור: התפלל-נא בעדנו, אל-יהוה אלוהינו.

4 וירמיהו, בא ויוצא בתוך העם; ולא-נתנו אותו, בית הכלוא.

5 וחיל פרעה, יצא ממצריים; וישמעו הכשדים הצרים על-ירושלים, את-שמעם, וייעלו, מעל ירושלים. {פ}

6 ויהי, דבר-יהוה, אל-ירמיהו הנביא, לאמור.

7 כה-אמר יהוה, אלוהי ישראל, כה תאמרו אל-מלך יהודה, השולח אתכם אליי לדורשני: הנה חיל פרעה, היוצא לכם לעזרה, שב לארצו, מצריים.

8 ושבו, הכשדים, ונלחמו, על-העיר הזאת; ולכדוה, ושרפוה באש. {פ}

9 כה אמר יהוה, אל-תשיאו נפשותיכם לאמור, הלוך ילכו מעלינו, הכשדים: כי-לא, ילכו.

10 כי אם-הכיתם כל-חיל כשדים, הנלחמים איתכם, ונשארו-בם, אנשים מדוקרים--איש באוהלו יקומו, ושרפו את-העיר הזאת באש.

11 והיה, בהיעלות חיל הכשדים, מעל, ירושלים--מפני, חיל פרעה. {ס}

12 וייצא ירמיהו מירושלים, ללכת ארץ בנימין, לחליק משם, בתוך העם.

13 ויהי-הוא בשער בנימין, ושם בעל פקידות, ושמו יראייה, בן-שלמיה בן-חנניה; ויתפוש את-ירמיהו הנביא, לאמור, אל-הכשדים, אתה נופל.

14 ויאמר ירמיהו שקר, אינני נופל על-הכשדים--ולא שמע, אליו; ויתפוש יראייה בירמיהו, ויביאהו אל-השרים.

15 ויקצפו השרים על-ירמיהו, והכו אותו; ונתנו אותו בית האיסור, בית יהונתן הסופר--כי-אותו עשו, לבית הכלא.

16 כי בא ירמיהו אל-בית הבור, ואל-החנויות; ויישב-שם ירמיהו, ימים רבים.

17 וישלח המלך צדקייהו וייקחהו, וישאלהו המלך בביתו בסתר, ויאמר, היש דבר מאת יהוה; ויאמר ירמיהו, יש, ויאמר, ביד מלך-בבל תינתן.

18 ויאמר ירמיהו, אל-המלך צדקייהו: מה חטאתי לך ולעבדיך ולעם הזה, כי-נתתם אותי אל-בית הכלא.

19 ואיה, נביאיכם, אשר-ניבאו לכם, לאמור: לא-יבוא מלך-בבל עליכם, ועל הארץ הזאת.

20 ועתה, שמע-נא אדוני המלך: תיפול-נא תחינתי, לפניך, ואל-תשיבני בית יהונתן הסופר, ולא אמות שם.

21 ויצווה המלך צדקייהו, ויפקידו את-ירמיהו בחצר המטרה, ונתון לו כיכר-לחם ליום מחוץ האופים, עד-תום כל-הלחם מן-העיר; ויישב ירמיהו, בחצר המטרה.

פַּרשָׁנוּת

סיפור מאסרו של ירמיהו מדגיש את נושא הרדיפה העובר בכל ספר ירמיהו. למרות הנבואות והאזהרות שלו, ירמיהו נתקל בהתנגדות ובדחייה מצד אותם אנשים שהוא מנסה לעזור. עם זאת, במאסרו, ירמיהו נשאר נאמן לאלוהים וממשיך לדבר אמת לכוח. פרק זה משמש כתזכורת לכך שהקפדה על רצון אלוהים מעמיד אותנו לעתים קרובות בסתירה לעולם, אך עלינו להתמיד ולבטוח בתוכניתו של אלוהים.