ירמיהו 31

Name: ירמיהו
Author: BiblePics
ISBN: Your ISBN Number

בירמיהו 31, אלוהים מדבר באמצעות הנביא ירמיהו כדי להבטיח ברית חדשה עם עמו. ברית זו לא תהיה כמו הברית הישנה אשר הפרו העם, אלא היא תהיה כתובה על ליבם, תינתן מחילה, ויקום שלום.

פסוקים

●

min

Bible version

1 כה, אמר יהוה, מצא חן במדבר, עם שרידי חרב; הלוך להרגיעו, ישראל.

2 מרחוק, יהוה נראה לי; ואהבת עולם אהבתיך, על-כן משכתיך חסד.

3 עוד אבנך ונבנית, בתולת ישראל: עוד תעדי תופייך, ויצאת במחול משחקים.

4 עוד תיטעי כרמים, בהרי שומרון; נטעו נוטעים, וחיללו.

5 כי יש-יום, קראו נוצרים בהר אפריים; קומו ונעלה ציון, אל-יהוה אלוהינו. {פ}

6 כי-כה אמר יהוה, רונו ליעקוב שמחה, וצהלו, בראש הגויים; השמיעו הללו, ואמרו, הושע יהוה את-עמך, את שארית ישראל.

7 הנני מביא אותם מארץ צפון, וקיבצתים מירכתי-ארץ--בם עיוור ופיסח, הרה ויולדת יחדיו: קהל גדול, ישובו הנה.

8 בבכי יבואו, ובתחנונים אובילם--אוליכם אל-נחלי מים, בדרך ישר לא ייכשלו בה: כי-הייתי לישראל לאב, ואפריים בכורי הוא. {ס}

9 שמעו דבר-יהוה גויים, והגידו באיים ממרחק; ואמרו, מזרה ישראל יקבצנו, ושמרו, כרועה עדרו.

10 כי-פדה יהוה, את-יעקוב; וגאלו, מיד חזק ממנו.

11 ובאו, וריננו במרום-ציון, ונהרו אל-טוב יהוה על-דגן ועל-תירוש ועל-יצהר, ועל-בני-צאן ובקר; והייתה נפשם כגן רווה, ולא-יוסיפו לדאבה עוד.

12 אז תשמח בתולה במחול, ובחורים וזקנים יחדיו; והפכתי אבלם לששון וניחמתים, ושימחתים מיגונם.

13 וריוויתי נפש הכוהנים, דשן; ועמי את-טובי ישבעו, נאום-יהוה. {ס}

14 כה אמר יהוה, קול ברמה נשמע נהי בכי תמרורים--רחל, מבכה על-בניה; מיאנה להינחם על-בניה, כי איננו. {ס}

15 כה אמר יהוה, מנעי קולך מבכי, ועינייך, מדמעה: כי יש שכר לפעולתך נאום-יהוה, ושבו מארץ אויב.

16 ויש-תקווה לאחריתך, נאום-יהוה; ושבו בנים, לגבולם. {ס}

17 שמוע שמעתי, אפריים מתנודד, ייסרתני ואיווסר, כעגל לא לומד; השיבני ואשובה, כי אתה יהוה אלוהיי.

18 כי-אחרי שובי, ניחמתי, ואחרי היוודעי, ספקתי על-ירך; בושתי וגם-נכלמתי, כי נשאתי חרפת נעוריי.

19 הבן יקיר לי אפריים, אם ילד שעשועים--כי-מדי דברי בו, זכור אזכרנו עוד; על-כן, המו מעיי לו--רחם ארחמנו, נאום-יהוה. {ס}

20 הציבי לך ציונים, שימי לך תמרורים--שיתי ליבך, למסילה דרך הלכת; שובי בתולת ישראל, שובי אל-ערייך אלה.

21 עד-מתיי תתחמקין, הבת השובבה: כי-ברא יהוה חדשה בארץ, נקבה תסובב גבר. {ס}

22 כה-אמר יהוה צבאות, אלוהי ישראל, עוד יאמרו את-הדבר הזה בארץ יהודה ובעריו, בשובי את-שבותם: יברכך יהוה נווה-צדק, הר הקודש.

23 וישבו בה יהודה וכל-עריו, יחדיו: איכרים, ונסעו בעדר.

24 כי הרוויתי, נפש עייפה; וכל-נפש דאבה, מילאתי.

25 על-זאת, הקיצותי ואראה; ושנתי, ערבה לי. {ס}

26 הנה ימים באים, נאום-יהוה; וזרעתי, את-בית ישראל ואת-בית יהודה, זרע אדם, וזרע בהמה.

27 והיה כאשר שקדתי עליהם, לנתוש ולנתוץ ולהרוס--ולהאביד ולהרע: כן אשקוד עליהם לבנות ולנטוע, נאום-יהוה.

28 בימים ההם--לא-יאמרו עוד, אבות אכלו בוסר; ושיני בנים, תקהינה.

29 כי אם-איש בעוונו, ימות: כל-האדם האוכל הבוסר, תקהינה שיניו. {ס}

30 הנה ימים באים, נאום-יהוה; וכרתי, את-בית ישראל ואת-בית יהודה--ברית חדשה.

31 לא כברית, אשר כרתי את-אבותם, ביום החזיקי בידם, להוציאם מארץ מצריים: אשר-המה הפרו את-בריתי, ואנוכי בעלתי בם--נאום-יהוה.

32 כי זאת הברית אשר אכרות את-בית ישראל אחרי הימים ההם, נאום-יהוה, נתתי את-תורתי בקרבם, ועל-ליבם אכתבנה; והייתי להם לאלוהים, והמה יהיו-לי לעם.

33 ולא ילמדו עוד, איש את-ריעהו ואיש את-אחיו לאמור, דעו, את-יהוה: כי-כולם יידעו אותי למקטנם ועד-גדולם, נאום-יהוה--כי אסלח לעוונם, ולחטאתם לא אזכור-עוד. {ס}

34 כה אמר יהוה, נותן שמש לאור יומם, חוקות ירח וכוכבים, לאור לילה; רוגע הים ויהמו גליו, יהוה צבאות שמו.

35 אם-ימושו החוקים האלה, מלפניי--נאום-יהוה; גם זרע ישראל ישבתו, מהיות גוי לפניי--כל-הימים. {ס}

36 כה אמר יהוה, אם-יימדו שמיים מלמעלה, וייחקרו מוסדי-ארץ, למטה: גם-אני אמאס בכל-זרע ישראל, על-כל-אשר עשו--נאום-יהוה. {ס}

37 הנה ימים באים, נאום-יהוה; ונבנתה העיר ליהוה, ממגדל חננאל שער הפינה.

38 ויצא עוד קו המידה, נגדו, על, גבעת גרב; ונסב, גועתה.

39 וכל-העמק הפגרים והדשן וכל-השדמות עד-נחל קדרון עד-פינת שער הסוסים, מזרחה--קודש, ליהוה: לא-יינתש ולא-ייהרס עוד, לעולם. {פ}

פַּרשָׁנוּת

כשאנו קוראים את ירמיהו 31, אנו יכולים לראות את לב אלוהים עבור עמו. למרות שהם התרחקו ממנו ללא הרף, הוא ביקש לכרות עמם ברית חדשה שתבטיח את גאולתם ושיקומם. הברית החדשה הזו מתגשמה בישוע המשיח, שבא להציע סליחה ולכתוב את החוק על ליבנו. כשאנו קוראים פרק זה, אנו נזכרים באהבתו הבלתי משתנה של אלוהים ובנאמנותו להבטחותיו. אנו יכולים להתנחם בעובדה שאלוהים רוצה לקיים איתנו מערכת יחסים ומציע סליחה לכל מי שפונה אליו.