יחזקאל 12

Name: יחזקאל
Author: BiblePics
ISBN: Your ISBN Number

בפרק י"ב של ספר יחזקאל, אלוהים מורה ליחזקאל לבצע מספר מעשים סמליים המייצגים את גלות יהודה הקרובה. פעולות אלו כוללות אריזת תיק וחפירת בור דרך קיר. הפרק גם מזהיר מפני נביאי שקר המנבאים שקרים ומטעים את העם.

פסוקים

●

min

Bible version

1 ויהי דבר-יהוה, אליי לאמור.

2 בן-אדם, בתוך בית-המרי אתה יושב: אשר עיניים להם לראות ולא ראו, אוזניים להם לשמוע ולא שמעו--כי בית מרי, הם.

3 ואתה בן-אדם, עשה לך כלי גולה, וגלה יומם, לעיניהם; וגלית ממקומך אל-מקום אחר, לעיניהם--אוליי יראו, כי בית מרי המה.

4 והוצאת כליך ככלי גולה, יומם--לעיניהם; ואתה, תצא בערב לעיניהם, כמוצאי, גולה.

5 לעיניהם, חתור-לך בקיר; והוצאת, בו.

6 לעיניהם על-כתף תישא, בעלטה תוציא--פניך תכסה, ולא תראה את-הארץ: כי-מופת נתתיך, לבית ישראל.

7 ואעש כן, כאשר צוויתי, כליי הוצאתי ככלי גולה יומם, ובערב חתרתי-לי בקיר ביד; בעלטה הוצאתי על-כתף נשאתי, לעיניהם. {פ}

8 ויהי דבר-יהוה אליי, בבוקר לאמור.

9 בן-אדם, הלוא אמרו אליך בית ישראל בית המרי: מה, אתה עושה.

10 אמור אליהם, כה אמר אדוניי יהוה: הנשיא המשא הזה, בירושלים, וכל-בית ישראל, אשר-המה בתוכם.

11 אמור, אני מופתכם: כאשר עשיתי, כן ייעשה להם--בגולה בשבי, ילכו.

12 והנשיא אשר-בתוכם אל-כתף יישא, בעלטה וייצא--בקיר יחתרו, להוציא בו; פניו יכסה--יען אשר לא-יראה לעין הוא, את-הארץ.

13 ופרשתי את-רשתי עליו, ונתפש במצודתי; והבאתי אותו בבלה ארץ כשדים, ואותה לא-יראה ושם ימות.

14 וכול אשר סביבותיו עזרו וכל-אגפיו, אזרה לכל-רוח; וחרב, אריק אחריהם.

15 וידעו, כי-אני יהוה, בהפיצי אותם בגויים, וזיריתי אותם בארצות.

16 והותרתי מהם אנשי מספר, מחרב מרעב ומדבר--למען יספרו את-כל-תועבותיהם, בגויים אשר-באו שם, וידעו, כי-אני יהוה. {פ}

17 ויהי דבר-יהוה, אליי לאמור.

18 בן-אדם, לחמך ברעש תאכל; ומימיך, ברוגזה ובדאגה תשתה.

19 ואמרת אל-עם הארץ כה-אמר אדוניי יהוה ליושבי ירושלים, אל-אדמת ישראל, לחמם בדאגה יאכלו, ומימיהם בשיממון ישתו--למען תישם ארצה, ממלואה, מחמס, כל-היושבים בה.

20 והערים הנושבות תחרבנה, והארץ שממה תהיה; וידעתם, כי-אני יהוה. {פ}

21 ויהי דבר-יהוה, אליי לאמור.

22 בן-אדם, מה-המשל הזה לכם, על-אדמת ישראל, לאמור: יארכו, הימים, ואבד, כל-חזון.

23 לכן אמור אליהם, כה-אמר אדוניי יהוה, השבתי את-המשל הזה, ולא-ימשלו אותו עוד בישראל: כי, אם-דבר אליהם, קרבו הימים, ודבר כל-חזון.

24 כי לא יהיה עוד, כל-חזון שוא--ומקסם חלק: בתוך, בית ישראל.

25 כי אני יהוה, אדבר את אשר אדבר דבר וייעשה--לא תימשך, עוד: כי בימיכם בית המרי, אדבר דבר ועשיתיו, נאום, אדוניי יהוה. {פ}

26 ויהי דבר-יהוה, אליי לאמור.

27 בן-אדם, הנה בית-ישראל אומרים, החזון אשר-הוא חוזה, לימים רבים; ולעיתים רחוקות, הוא ניבא.

28 לכן אמור אליהם, כה אמר אדוניי יהוה, לא-תימשך עוד, כל-דבריי--אשר אדבר דבר וייעשה, נאום אדוניי יהוה. {פ}

פַּרשָׁנוּת

המעשים הסמליים שביצע יחזקאל בפרק זה משמשים תיאור חי של חורבן ירושלים וגלות יהודה הקרובה. אריזת התיק מייצגת את עזיבתם הנמהרת של האנשים בעוד החור בחומה מסמל את הפרצה בהגנות העיר. אלוהים מזהיר את עמו שמשפט מגיע ושהם חייבים לחזור בתשובה מדרכיהם החוטאות. יתר על כן, הפרק מדגיש את הסכנה של נביאי שקר המתיימרים לדבר בשם אלוהים אך למעשה מטעים את העם בשקרים. זוהי תזכורת רבת עוצמה שעלינו להבחין ולבדוק את דבריהם של אלה הטוענים לדבר בשם אלוהים כנגד אמיתות דברו.