שמות 18

Name: שמות
Author: BiblePics
ISBN: Your ISBN Number

חמו של משה יתרו מבקר אותו ומייעץ לו למנות מנהיגים שיעזרו לו לשלוט בבני ישראל.

פסוקים

●

min

Bible version

1 וישמע יתרו כוהן מדיין, חותן משה, את כל-אשר עשה אלוהים למשה, ולישראל עמו: כי-הוציא יהוה את-ישראל, ממצריים.

2 וייקח, יתרו חותן משה, את-ציפורה, אשת משה--אחר, שילוחיה.

3 ואת, שני בניה: אשר שם האחד, גרשום--כי אמר, גר הייתי בארץ נוכרייה.

4 ושם האחד, אליעזר--כי-אלוהי אבי בעזרי, ויצילני מחרב פרעה.

5 ויבוא יתרו חותן משה, ובניו ואשתו--אל-משה: אל-המדבר, אשר-הוא חונה שם--הר האלוהים.

6 ויאמר, אל-משה, אני חותנך יתרו, בא אליך; ואשתך--ושני בניה, עימה.

7 וייצא משה לקראת חותנו, וישתחו ויישק-לו, וישאלו איש-לריעהו, לשלום; ויבואו, האוהלה.

8 ויספר משה, לחותנו, את כל-אשר עשה יהוה לפרעה ולמצריים, על אודות ישראל: את כל-התלאה אשר מצאתם בדרך, ויצילם יהוה.

9 וייחד יתרו--על כל-הטובה, אשר-עשה יהוה לישראל: אשר הצילו, מיד מצריים.

10 ויאמר, יתרו, ברוך יהוה, אשר הציל אתכם מיד מצריים ומיד פרעה: אשר הציל את-העם, מתחת יד-מצריים.

11 עתה ידעתי, כי-גדול יהוה מכל-האלוהים: כי בדבר, אשר זדו עליהם.

12 וייקח יתרו חותן משה, עולה וזבחים--לאלוהים; ויבוא אהרון וכול זקני ישראל, לאכול-לחם עם-חותן משה--לפני האלוהים.

13 ויהי, ממוחרת, ויישב משה, לשפוט את-העם; ויעמוד העם על-משה, מן-הבוקר עד-הערב.

14 וירא חותן משה, את כל-אשר-הוא עושה לעם; ויאמר, מה-הדבר הזה אשר אתה עושה לעם--מדוע אתה יושב לבדך, וכל-העם ניצב עליך מן-בוקר עד-ערב.

15 ויאמר משה, לחותנו: כי-יבוא אליי העם, לדרוש אלוהים.

16 כי-יהיה להם דבר, בא אליי, ושפטתי, בין איש ובין ריעהו; והודעתי את-חוקי האלוהים, ואת-תורותיו.

17 ויאמר חותן משה, אליו: לא-טוב, הדבר, אשר אתה, עושה.

18 נבול תיבול--גם-אתה, גם-העם הזה אשר עימך: כי-כבד ממך הדבר, לא-תוכל עשוהו לבדך.

19 עתה שמע בקולי, איעצך, ויהי אלוהים, עימך; היה אתה לעם, מול האלוהים, והבאת אתה את-הדברים, אל-האלוהים.

20 והזהרת אתהם, את-החוקים ואת-התורות; והודעת להם, את-הדרך ילכו בה, ואת-המעשה, אשר יעשון.

21 ואתה תחזה מכל-העם אנשי-חיל יראי אלוהים, אנשי אמת--שונאי בצע; ושמת עליהם, שרי אלפים שרי מאות, שרי חמישים, ושרי עשרות.

22 ושפטו את-העם, בכל-עת, והיה כל-הדבר הגדול יביאו אליך, וכל-הדבר הקטון ישפטו-הם; והקל, מעליך, ונשאו, איתך.

23 אם את-הדבר הזה, תעשה, וציווך אלוהים, ויכולת עמוד; וגם כל-העם הזה, על-מקומו יבוא בשלום.

24 וישמע משה, לקול חותנו; ויעש, כול אשר אמר.

25 ויבחר משה אנשי-חיל מכל-ישראל, וייתן אותם ראשים על-העם--שרי אלפים שרי מאות, שרי חמישים ושרי עשרות.

26 ושפטו את-העם, בכל-עת: את-הדבר הקשה יביאון אל-משה, וכל-הדבר הקטון ישפוטו הם.

27 וישלח משה, את-חותנו; וילך לו, אל-ארצו. {פ}

פַּרשָׁנוּת

שמות פרק י"ח הוא סיפורו של יתרו, חותנו של משה, מבקר אותו במדבר. יתרו הוא כהן מדייני והוא מביא אליו את אשתו של משה ושני בניו. יתרו שמח לשמוע על כל הדברים הטובים שאלוהים עשה לבני ישראל והוא מקריב קורבן לאלוהים. לאחר מכן הפרק ממשיך ומתאר כיצד יתרו מייעץ למשה כיצד להנהיג טוב יותר את העם. הוא מציע למשה למנות מנהיגים שיעזרו לו לשפוט את העם וללמד אותם את חוקי אלוהים. העצה של יתרו היא חכמה ומעשית, ומשה הולך לפיה. פרק זה הוא תזכורת חשובה לחשיבות העצות החכמות. העצה של יתרו היא דוגמה מצוינת לאופן שבו ייעוץ חכם יכול לעזור לנו לקבל החלטות טובות יותר. זה גם מראה לנו את החשיבות של הקשבה לעצות של אחרים והתחשבות בפרספקטיבה שלהם. אנחנו יכולים ללמוד הרבה מהדוגמה של יתרו וליישם אותה בחיינו.