יהושע, 10

Name: יהושע
Author: BiblePics
ISBN: Your ISBN Number

יהושע מביס קואליציה של חמישה מלכי אמורי וצבאותיהם.

פסוקים

●

min

Bible version

1 ויהי כשמוע אדוני-צדק מלך ירושלים, כי-לכד יהושוע את-העיי ויחרימה--כאשר עשה ליריחו ולמלכה, כן-עשה לעיי ולמלכה; וכי השלימו יושבי גבעון, את-ישראל, ויהיו, בקרבם.

2 וייראו מאוד--כי עיר גדולה גבעון, כאחת ערי הממלכה; וכי היא גדולה מן-העיי, וכל-אנשיה גיבורים.

3 וישלח אדוני-צדק מלך ירושלים, אל-הוהם מלך-חברון ואל-פראם מלך-ירמות ואל-יפיע מלך-לכיש ואל-דביר מלך-עגלון--לאמור.

4 עלו-אליי ועזרוני, ונכה את-גבעון: כי-השלימה את-יהושוע, ואת-בני ישראל.

5 וייאספו ויעלו חמשת מלכי האמורי, מלך ירושלים מלך-חברון מלך-ירמות מלך-לכיש מלך-עגלון--הם, וכל-מחניהם; ויחנו, על-גבעון, ויילחמו, עליה.

6 וישלחו אנשי גבעון אל-יהושוע אל-המחנה הגלגלה לאמור, אל-תרף ידיך מעבדיך: עלה אלינו מהרה, והושיעה לנו ועוזרנו--כי נקבצו אלינו, כל-מלכי האמורי יושבי ההר.

7 ויעל יהושוע מן-הגלגל, הוא וכל-עם המלחמה עימו, וכול, גיבורי החיל. {פ}

8 ויאמר יהוה אל-יהושוע אל-תירא מהם, כי בידך נתתים: לא-יעמוד איש מהם, בפניך.

9 ויבוא אליהם יהושוע, פתאום: כל-הלילה, עלה מן-הגלגל.

10 ויהומם יהוה לפני ישראל, ויכם מכה-גדולה בגבעון; וירדפם, דרך מעלה בית-חורון, ויכם עד-עזקה, ועד-מקדה.

11 ויהי בנוסם מפני ישראל, הם במורד בית-חורון ויהוה השליך עליהם אבנים גדולות מן-השמיים עד-עזקה--וימותו: רבים, אשר-מתו באבני הברד, מאשר הרגו בני ישראל, בחרב. {ס}

12 אז ידבר יהושוע, ליהוה, ביום תת יהוה את-האמורי, לפני בני ישראל; ויאמר לעיני ישראל, שמש בגבעון דום, וירח, בעמק איילון.

13 ויידום השמש וירח עמד, עד-ייקום גוי אויביו--הלוא-היא כתובה, על-ספר הישר; ויעמוד השמש בחצי השמיים, ולא-אץ לבוא כיום תמים.

14 ולא היה כיום ההוא, לפניו ואחריו, לשמוע יהוה, בקול איש: כי יהוה, נלחם לישראל. {ס}

15 וישב יהושוע וכל-ישראל עימו, אל-המחנה הגלגלה.

16 וינוסו, חמשת המלכים האלה; וייחבאו במערה, במקדה.

17 ויוגד, ליהושוע לאמור: נמצאו חמשת המלכים, נחבאים במערה במקדה.

18 ויאמר יהושוע, גולו אבנים גדולות אל-פי המערה, והפקידו עליה אנשים, לשומרם.

19 ואתם, אל-תעמודו--רדפו אחרי אויביכם, וזינבתם אותם: אל-תיתנום, לבוא אל-עריהם, כי נתנם יהוה אלוהיכם, בידכם.

20 ויהי ככלות יהושוע ובני ישראל, להכותם מכה גדולה-מאוד--עד-תומם; והשרידים שרדו מהם, ויבואו אל-ערי המבצר.

21 וישובו כל-העם אל-המחנה אל-יהושוע מקדה, בשלום: לא-חרץ לבני ישראל, לאיש--את-לשונו.

22 ויאמר יהושוע, פתחו את-פי המערה; והוציאו אליי, את-חמשת המלכים האלה--מן-המערה.

23 ויעשו כן--ויוציאו אליו את-חמשת המלכים האלה, מן-המערה: את מלך ירושלים, את-מלך חברון את-מלך ירמות, את-מלך לכיש, את-מלך עגלון.

24 ויהי כהוציאם את-המלכים האלה, אל-יהושוע, ויקרא יהושוע אל-כל-איש ישראל ויאמר אל-קציני אנשי המלחמה ההלכו איתו, קרבו שימו את-רגליכם על-צווארי המלכים האלה; ויקרבו, וישימו את-רגליהם על-צוואריהם.

25 ויאמר אליהם יהושוע, אל-תיראו ואל-תיחתו: חזקו ואמצו--כי ככה יעשה יהוה לכל-אויביכם, אשר אתם נלחמים אותם.

26 ויכם יהושוע אחרי-כן, וימיתם, ויתלם, על חמישה עצים; ויהיו תלויים על-העצים, עד-הערב.

27 ויהי לעת בוא השמש, ציווה יהושוע ויורידום מעל העצים, וישליכום, אל-המערה אשר נחבאו-שם; וישימו אבנים גדולות, על-פי המערה, עד-עצם, היום הזה. {ס}

28 ואת-מקדה לכד יהושוע ביום ההוא, ויכהא לפי-חרב ואת-מלכה--החרים אותם ואת-כל-הנפש אשר-בה, לא השאיר שריד; ויעש למלך מקדה, כאשר עשה למלך יריחו. {ס}

29 ויעבור יהושוע וכל-ישראל עימו, ממקדה--לבנה; ויילחם, עם-לבנה.

30 וייתן יהוה גם-אותה ביד ישראל, ואת-מלכה, ויכהא לפי-חרב ואת-כל-הנפש אשר-בה, לא-השאיר בה שריד; ויעש למלכה, כאשר עשה למלך יריחו. {ס}

31 ויעבור יהושוע וכל-ישראל עימו, מלבנה--לכישה; וייחן עליה, ויילחם בה.

32 וייתן יהוה את-לכיש ביד ישראל, וילכדה ביום השני, ויכהא לפי-חרב, ואת-כל-הנפש אשר-בה--ככול אשר-עשה, ללבנה. {פ}

33 אז עלה, הורם מלך גזר, לעזור, את-לכיש; ויכהו יהושוע ואת-עמו, עד-בלתי השאיר-לו שריד.

34 ויעבור יהושוע וכל-ישראל עימו, מלכיש--עגלונה; ויחנו עליה, ויילחמו עליה.

35 וילכדוה ביום ההוא, ויכוה לפי-חרב--ואת כל-הנפש אשר-בה, ביום ההוא החרים: ככול אשר-עשה, ללכיש. {פ}

36 ויעל יהושוע וכל-ישראל עימו, מעגלונה--חברונה; ויילחמו, עליה.

37 וילכדוה ויכוה-לפי-חרב ואת-מלכה ואת-כל-עריה ואת-כל-הנפש אשר-בה, לא-השאיר שריד, ככול אשר-עשה, לעגלון; ויחרם אותה, ואת-כל-הנפש אשר-בה. {ס}

38 וישב יהושוע וכל-ישראל עימו, דבירה; ויילחם, עליה.

39 וילכדה ואת-מלכה ואת-כל-עריה, ויכום לפי-חרב, ויחרימו את-כל-נפש אשר-בה, לא השאיר שריד: כאשר עשה לחברון, כן-עשה לדבירה ולמלכה, וכאשר עשה ללבנה, ולמלכה.

40 ויכה יהושוע את-כל-הארץ ההר והנגב והשפילה והאשדות, ואת כל-מלכיהם--לא השאיר, שריד; ואת כל-הנשמה, החרים, כאשר ציווה, יהוה אלוהי ישראל.

41 ויכם יהושוע מקדש ברנע, ועד-עזה; ואת כל-ארץ גושן, ועד-גבעון.

42 ואת כל-המלכים האלה ואת-ארצם, לכד יהושוע פעם אחת: כי, יהוה אלוהי ישראל, נלחם, לישראל.

43 וישב יהושוע וכל-ישראל עימו, אל-המחנה הגלגלה. {פ}

פַּרשָׁנוּת

יהושע 10 הוא פרק המספר את הניצחון המופלא של בני ישראל על חמשת מלכי האמורי. לאחר שכרתו הגבעונים ברית עם יהושע, באו חמשת מלכי האמורי לתקוף אותם. בתגובה יצאו יהושע ובני ישראל לקרב נגדם. ה' התערב אז למען בני ישראל, ושלח סופת ברד גדולה שהרגה יותר מהאויב מאשר בני ישראל. הניצחון המופלא הזה היה סימן לחסדו של אלוהים ולהגנתו על עמו. הפרק מסתיים בכך שיהושע ובני ישראל חוזרים למחנהם בגלגל, שם חגגו את ניצחונם במשתה גדולה. ניצחון זה היה תזכורת לבני ישראל לכוחו של אלוהים ולנאמנותו לעמו. זה היה גם תזכורת לחשיבות של אמון באלוהים והסתמכות על כוחו בזמנים של קושי. פרק זה הוא תזכורת נהדרת לנו היום שאלוהים תמיד איתנו ולעולם לא יעזוב אותנו. הוא המגן שלנו והכוח שלנו בעת צרה. אנו יכולים לסמוך עליו ולסמוך על כוחו שיעביר אותנו בכל מצב.