יהושע 11

Name: יהושע
Author: BiblePics
ISBN: Your ISBN Number

יהושע כובש את צפון כנען ומחלק את הארץ בין שבטי ישראל.

פסוקים

●

min

Bible version

1 ויהי, כשמוע יבין מלך-חצור; וישלח, אל-יובב מלך מדון, ואל-מלך שמרון, ואל-מלך אכשף.

2 ואל-המלכים אשר מצפון, בהר ובערבה נגב כינרות--ובשפילה; ובנפות דור, מים.

3 הכנעני ממזרח ומים, והאמורי והחיתי והפריזי והיבוסי בהר; והחיווי תחת חרמון, בארץ המצפה.

4 וייצאו הם, וכל-מחניהם עימם--עם-רב, כחול אשר על-שפת-הים לרוב; וסוס ורכב, רב-מאוד.

5 וייוועדו, כול המלכים האלה; ויבואו ויחנו יחדיו, אל-מי מרום, להילחם, עם-ישראל. {פ}

6 ויאמר יהוה אל-יהושוע, אל-תירא מפניהם--כי-מחר כעת הזאת אנוכי נותן את-כולם חללים, לפני ישראל; את-סוסיהם תעקר, ואת-מרכבותיהם תשרוף באש.

7 ויבוא יהושוע וכל-עם המלחמה עימו עליהם, על-מי מרום--פתאום; וייפלו, בהם.

8 וייתנם יהוה ביד-ישראל, ויכום, וירדפום עד-צידון רבה ועד משרפות מים, ועד-בקעת מצפה מזרחה; ויכום, עד-בלתי השאיר-להם שריד.

9 ויעש להם יהושוע, כאשר אמר-לו יהוה: את-סוסיהם עיקר, ואת-מרכבותיהם שרף באש. {ס}

10 וישב יהושוע בעת ההיא, וילכוד את-חצור, ואת-מלכה, הכה בחרב: כי-חצור לפנים--היא, ראש כל-הממלכות האלה.

11 ויכו את-כל-הנפש אשר-בה לפי-חרב, החרם--לא נותר, כל-נשמה; ואת-חצור, שרף באש.

12 ואת-כל-ערי המלכים-האלה ואת-כל-מלכיהם לכד יהושוע, ויכם לפי-חרב--החרים אותם: כאשר ציווה, משה עבד יהוה.

13 רק כל-הערים, העומדות על-תילם--לא שרפם, ישראל: זולתי את-חצור לבדה, שרף יהושוע.

14 וכול שלל הערים האלה, והבהמה, בזזו להם, בני ישראל: רק את-כל-האדם הכו לפי-חרב, עד-השמידם אותם--לא השאירו, כל-נשמה.

15 כאשר ציווה יהוה את-משה עבדו, כן-ציווה משה את-יהושוע; וכן, עשה יהושוע--לא-הסיר דבר, מכול אשר-ציווה יהוה את-משה.

16 וייקח יהושוע את-כל-הארץ הזאת, ההר ואת-כל-הנגב ואת כל-ארץ הגושן, ואת-השפילה, ואת-הערבה; ואת-הר ישראל, ושפילתו.

17 מן-ההר החלק, העולה שעיר, ועד-בעל גד בבקעת הלבנון, תחת הר-חרמון; ואת כל-מלכיהם לכד, ויכם וימיתם.

18 ימים רבים, עשה יהושוע את-כל-המלכים האלה--מלחמה.

19 לא-הייתה עיר, אשר השלימה אל-בני ישראל, בלתי החיווי, יושבי גבעון: את-הכול, לקחו במלחמה.

20 כי מאת יהוה הייתה לחזק את-ליבם לקראת המלחמה את-ישראל, למען החרימם, לבלתי היות-להם, תחינה: כי למען השמידם, כאשר ציווה יהוה את-משה. {ס}

21 ויבוא יהושוע בעת ההיא, ויכרת את-הענקים מן-ההר מן-חברון מן-דביר מן-ענב, ומכול הר יהודה, ומכול הר ישראל: עם-עריהם, החרימם יהושוע.

22 לא-נותר ענקים, בארץ בני ישראל: רק, בעזה בגת ובאשדוד--נשארו.

23 וייקח יהושוע את-כל-הארץ, ככול אשר דיבר יהוה אל-משה, וייתנה יהושוע לנחלה לישראל כמחלקותם, לשבטיהם; והארץ שקטה, ממלחמה. {ס}

פַּרשָׁנוּת

יהושע יא הוא פרק המספר על ניצחון בני ישראל על מלכי הצפון. הפרק מתחיל בכך שה' מצווה על יהושע לצעוד נגד מלכי הצפון וצבאותיהם. לאחר מכן צועדים יהושע ובני ישראל נגד מלכי הצפון וצבאותיהם ומביסים אותם. לאחר מכן, הפרק ממשיך ומפרט את המלכים ועריהם שהובסו על ידי בני ישראל. פרק זה הוא תזכורת לכוחו של אלוהים ולנאמנותו לעמו. ה' ציווה על יהושע לצעוד נגד מלכי הצפון וצבאותיהם, ויהושע ציית. ה' נתן אז לבני ישראל ניצחון על מלכי הצפון וצבאותיהם. ניצחון זה היה סימן לנאמנותו של אלוהים לעמו ולכוחו להגן עליהם. הפרק משמש גם כתזכורת לחשיבות הציות. יהושע נשמע לפקודת ה' וצעד נגד מלכי הצפון וצבאותיהם. ציות זה זכה בניצחון. זה משמש לנו כתזכורת שציות לאלוהים תמיד מתוגמל. לסיכום, יהושע 11 הוא תזכורת לכוחו של אלוהים ולנאמנותו לעמו. זה גם תזכורת לחשיבות הציות. אנו יכולים ללמוד מפרק זה שציות לאלוהים תמיד מתוגמל.