במדבר 13

Name: במדבר
Author: BiblePics
ISBN: Your ISBN Number

משה שולח שנים עשר מרגלים לחקור את ארץ כנען והם מביאים דיווח מעורב.

פסוקים

●

min

Bible version

1 וידבר יהוה, אל-משה לאמור.

2 שלח-לך אנשים, ויתורו את-ארץ כנען, אשר-אני נותן, לבני ישראל: איש אחד איש אחד למטה אבותיו, תשלחו--כול, נשיא בהם.

3 וישלח אותם משה ממדבר פארן, על-פי יהוה: כולם אנשים, ראשי בני-ישראל המה.

4 ואלה, שמותם: למטה ראובן, שמוע בן-זכור.

5 למטה שמעון, שפט בן-חורי.

6 למטה יהודה, כלב בן-יפונה.

7 למטה יששכר, יגאל בן-יוסף.

8 למטה אפריים, הושע בן-נון.

9 למטה בנימין, פלטי בן-רפוא.

10 למטה זבולון, גדיאל בן-סודי.

11 למטה יוסף, למטה מנשה--גדי, בן-סוסי.

12 למטה דן, עמיאל בן-גמלי.

13 למטה אשר, סתור בן-מיכאל.

14 למטה נפתלי, נחבי בן-וופסי.

15 למטה גד, גאואל בן-מכי.

16 אלה שמות האנשים, אשר-שלח משה לתור את-הארץ; ויקרא משה להושע בן-נון, יהושוע.

17 וישלח אותם משה, לתור את-ארץ כנען; ויאמר אליהם, עלו זה בנגב, ועליתם, את-ההר.

18 וראיתם את-הארץ, מה-היא; ואת-העם, היושב עליה--החזק הוא הרפה, המעט הוא אם-רב.

19 ומה הארץ, אשר-הוא יושב בה--הטובה היא, אם-רעה; ומה הערים, אשר-הוא יושב בהנה--הבמחנים, אם במבצרים.

20 ומה הארץ השמנה היא אם-רזה, היש-בה עץ אם-אין, והתחזקתם, ולקחתם מפרי הארץ; והימים--ימי, ביכורי ענבים.

21 ויעלו, ויתורו את-הארץ, ממדבר-צין עד-רחוב, לבוא חמת.

22 ויעלו בנגב, ויבוא עד-חברון, ושם אחימן ששיי ותלמיי, ילידי הענק; וחברון, שבע שנים נבנתה, לפני, צוען מצריים.

23 ויבואו עד-נחל אשכול, ויכרתו משם זמורה ואשכול ענבים אחד, ויישאוהו במוט, בשניים; ומן-הרימונים, ומן-התאנים.

24 למקום ההוא, קרא נחל אשכול, על אודות האשכול, אשר-כרתו משם בני ישראל.

25 וישובו, מתור הארץ, מקץ, ארבעים יום.

26 וילכו ויבואו אל-משה ואל-אהרון ואל-כל-עדת בני-ישראל, אל-מדבר פארן--קדשה; וישיבו אותם דבר ואת-כל-העדה, ויראום את-פרי הארץ.

27 ויספרו-לו, ויאמרו, באנו, אל-הארץ אשר שלחתנו; וגם זבת חלב ודבש, היא--וזה-פרייה.

28 אפס כי-עז העם, היושב בארץ; והערים, בצורות גדולות מאוד, וגם-ילידי הענק, ראינו שם.

29 עמלק יושב, בארץ הנגב; והחיתי והיבוסי והאמורי, יושב בהר, והכנעני יושב על-הים, ועל יד הירדן.

30 ויהס כלב את-העם, אל-משה; ויאמר, עלה נעלה וירשנו אותה--כי-יכול נוכל, לה.

31 והאנשים אשר-עלו עימו, אמרו, לא נוכל, לעלות אל-העם: כי-חזק הוא, ממנו.

32 ויוציאו דיבת הארץ, אשר תרו אותה, אל-בני ישראל, לאמור: הארץ אשר עברנו בה לתור אותה, ארץ אוכלת יושביה היא, וכל-העם אשר-ראינו בתוכה, אנשי מידות.

33 ושם ראינו, את-הנפילים בני ענק--מן-הנפילים; ונהי בעינינו כחגבים, וכן היינו בעיניהם.

פַּרשָׁנוּת

במדבר 13, משה שולח שנים עשר מרגלים לתור את ארץ כנען, הארץ המובטחת שהבטיח אלוהים לבני ישראל. המרגלים חוזרים עם דיווח על הארץ, המתוארת כארץ זבת חלב ודבש. אולם גם עשרה מהמרגלים מדווחים כי תושבי הארץ הם בעלי עוצמה וכי בני ישראל לא יצליחו לכבוש אותם. זה גורם לעם להיות מיואש ופחד, והם מתחילים לקטר נגד משה ואלוהים. אלוהים כועס על העם על חוסר אמונתם ואומר למשה שאף אחד מהעם שרטן לא יורשה להיכנס לארץ המובטחת. רק כלב ויהושע, שניים מהמרגלים שהאמינו באלוהים, יורשו להיכנס. זה משמש כתזכורת לבני ישראל שאמונה באלוהים היא חיונית כדי לקבל את הברכות שהוא הבטיח להם. זה גם משמש כאזהרה לעם שעליהם לסמוך על אלוהים ולא להיות מושפעים מדעותיהם של אחרים.