שופטים, 13

Name: שופטים
Author: Author's Name
ISBN: Your ISBN Number

שמשון נולד ונמסר לאלוהים כנזיר.

פסוקים

●

min

Bible version

1 ויוסיפו בני ישראל, לעשות הרע בעיני יהוה; וייתנם יהוה ביד-פלשתים, ארבעים שנה. {פ}

2 ויהי איש אחד מצורעה ממשפחת הדני, ושמו מנוח; ואשתו עקרה, ולא ילדה.

3 ויירא מלאך-יהוה, אל-האישה; ויאמר אליה, הנה-נא את-עקרה ולא ילדת, והרית, וילדת בן.

4 ועתה הישמרי נא, ואל-תשתי יין ושיכר; ואל-תאכלי, כל-טמא.

5 כי הנך הרה ויולדת בן, ומורה לא-יעלה על-ראשו--כי-נזיר אלוהים יהיה הנער, מן-הבטן; והוא, יחל להושיע את-ישראל--מיד פלשתים.

6 ותבוא האישה, ותאמר לאישה לאמור, איש האלוהים בא אליי, ומראהו כמראה מלאך האלוהים נורא מאוד; ולא שאלתיהו אי-מזה הוא, ואת-שמו לא-הגיד לי.

7 ויאמר לי, הנך הרה ויולדת בן; ועתה אל-תשתי יין ושיכר, ואל-תאכלי כל-טומאה--כי-נזיר אלוהים יהיה הנער, מן-הבטן עד-יום מותו. {פ}

8 ויעתר מנוח אל-יהוה, ויאמר: בי אדוניי--איש האלוהים אשר שלחת יבוא-נא עוד אלינו, ויורנו מה-נעשה לנער היולד.

9 וישמע האלוהים, בקול מנוח; ויבוא מלאך האלוהים עוד אל-האישה, והיא יושבת בשדה, ומנוח אישה, אין עימה.

10 ותמהר, האישה, ותרץ, ותגד לאישה; ותאמר אליו--הנה נראה אליי האיש, אשר-בא ביום אליי.

11 ויקם וילך מנוח, אחרי אשתו; ויבוא, אל-האיש, ויאמר לו האתה האיש אשר-דיברת אל-האישה, ויאמר אני.

12 ויאמר מנוח, עתה יבוא דבריך: מה-יהיה משפט-הנער, ומעשהו.

13 ויאמר מלאך יהוה, אל-מנוח: מכול אשר-אמרתי אל-האישה, תישמר.

14 מכול אשר-ייצא מגפן היין לא תאכל, ויין ושיכר אל-תשת, וכל-טומאה, אל-תאכל: כול אשר-ציוויתיה, תשמור. {ס}

15 ויאמר מנוח, אל-מלאך יהוה: נעצרה-נא אותך, ונעשה לפניך גדי עיזים.

16 ויאמר מלאך יהוה אל-מנוח, אם-תעצרני לא-אוכל בלחמך, ואם-תעשה עולה, ליהוה תעלנה: כי לא-ידע מנוח, כי-מלאך יהוה הוא.

17 ויאמר מנוח אל-מלאך יהוה, מי שמך: כי-יבוא דברך, וכיבדנוך.

18 ויאמר לו מלאך יהוה, למה זה תשאל לשמי--והוא-פלאי. {פ}

19 וייקח מנוח את-גדי העיזים, ואת-המנחה, ויעל על-הצור, ליהוה; ומפליא לעשות, ומנוח ואשתו רואים.

20 ויהי בעלות הלהב מעל המזבח, השמיימה, ויעל מלאך-יהוה, בלהב המזבח; ומנוח ואשתו רואים, וייפלו על-פניהם ארצה.

21 ולא-יסף עוד מלאך יהוה, להיראה אל-מנוח ואל-אשתו; אז ידע מנוח, כי-מלאך יהוה הוא.

22 ויאמר מנוח אל-אשתו, מות נמות: כי אלוהים, ראינו.

23 ותאמר לו אשתו, לו חפץ יהוה להמיתנו לא-לקח מידנו עולה ומנחה, ולא הראנו, את-כל-אלה; וכעת, לא השמיענו כזאת.

24 ותלד האישה בן, ותקרא את-שמו שמשון; ויגדל הנער, ויברכהו יהוה.

25 ותחל רוח יהוה, לפעמו במחנה-דן, בין צורעה, ובין אשתאול. {פ}

פַּרשָׁנוּת

שופטים יג הוא פרק בספר שופטים של הברית הישנה המספר את סיפור הולדתו של שמשון. זה מתחיל בסיפורם של מנוח ואשתו, שהיו עקרים ולא יכלו להביא ילדים לעולם. מלאך ה' מופיע לאשתו של מנוח ואומר לה שהיא תתעבר ותלד בן. המלאך גם אומר לה שהבן יהיה נזירי, סוג מיוחד של ישראל שמופרד לעבודת ה'. המלאך גם נותן למנוח ולאשתו הנחיות כיצד לגדל את הילד, לרבות שאסור לו להסתפר לעולם וכי עליו להימנע מיין ומשקה חזק. מנוח ואשתו ממלאים אחר ההוראות ושמשון נולד. הפרק מסתיים בכך ששמשון גדל והופך לאיש חזק. הוא ידוע בכוחו הרב וביכולתו להביס את הפלשתים. פרק זה חשוב כי הוא מציג לנו את שמשון, אחת הדמויות המפורסמות ביותר בתנ"ך. זה גם מראה לנו את החשיבות של ציות להוראותיו של אלוהים וכיצד ציות לאלוהים יכול להוביל לברכות גדולות. זה גם משמש כתזכורת לכך שאלוהים תמיד איתנו ושהוא יספק אותנו אם אנחנו בוטחים בו.