ישעיהו, 36

Name: ישעיהו
Author: Author's Name
ISBN: Your ISBN Number

בישעיהו פרק 36, מלך אשור, סנחריב, מוביל את צבאו לכבוש את ירושלים. הוא שולח משלחת לנהל משא ומתן עם חזקיהו המלך, לועג לאלוהי ישראל ומאיים על העם בהשמדה אם יסרבו להיכנע. חזקיהו מבקש את עצתו של ישעיהו הנביא ומובטח לו שאלוהים יגן עליהם ויגאל אותם.

פסוקים

●

min

Bible version

1 ויהי בארבע עשרה שנה למלך חזקייהו, עלה סנחריב מלך-אשור על כל-ערי יהודה הבצורות--ויתפשם.

2 וישלח מלך-אשור את-רבשקה מלכיש ירושלימה אל-המלך חזקייהו, בחיל כבד; ויעמוד, בתעלת הבריכה העליונה, במסילת, שדה כובס.

3 וייצא אליו אליקים בן-חלקייהו, אשר על-הבית--ושבנא, הסופר, ויואח בן-אסף, המזכיר.

4 ויאמר אליהם רבשקה, אמרו-נא אל-חזקייהו: כה-אמר המלך הגדול, מלך אשור, מה הביטחון הזה, אשר בטחת.

5 אמרתי, אך-דבר-שפתיים, עצה וגבורה, למלחמה; עתה על-מי בטחת, כי מרדת בי.

6 הנה בטחת על-משענת הקנה הרצוץ הזה, על-מצריים, אשר ייסמך איש עליו, ובא בכפו ונקבה: כן פרעה מלך-מצריים, לכל-הבוטחים עליו.

7 וכי-תאמר אליי, אל-יהוה אלוהינו בטחנו: הלוא-הוא, אשר הסיר חזקייהו את-במותיו ואת-מזבחותיו, ויאמר ליהודה ולירושלים, לפני המזבח הזה תשתחוו.

8 ועתה התערב נא, את-אדוני המלך אשור; ואתנה לך, אלפיים סוסים--אם-תוכל, לתת לך רוכבים עליהם.

9 ואיך תשיב, את פני פחת אחד עבדי אדוני--הקטנים; ותבטח לך על-מצריים, לרכב ולפרשים.

10 ועתה המבלעדי יהוה, עליתי על-הארץ הזאת להשחיתה; יהוה אמר אליי, עלה אל-הארץ הזאת והשחיתה. {ס}

11 ויאמר אליקים ושבנא ויואח אל-רבשקה, דבר-נא אל-עבדיך ארמית--כי שומעים, אנחנו; ואל-תדבר אלינו, יהודית, באוזני העם, אשר על-החומה.

12 ויאמר רבשקה, האל אדוניך ואליך שלחני אדוני, לדבר, את-הדברים האלה: הלוא על-האנשים, היושבים על-החומה, לאכול את-צואתם ולשתות את-מימי רגליהם, עימכם.

13 ויעמוד, רבשקה, ויקרא בקול-גדול, יהודית; ויאמר--שמעו את-דברי המלך הגדול, מלך אשור.

14 כה אמר המלך, אל-ישיא לכם חזקייהו: כי לא-יוכל, להציל אתכם.

15 ואל-יבטח אתכם חזקייהו אל-יהוה לאמור, הצל יצילנו יהוה: לא תינתן העיר הזאת, ביד מלך אשור.

16 אל-תשמעו, אל-חזקייהו; {פ} כי כה אמר המלך אשור, עשו-איתי ברכה וצאו אליי, ואכלו איש-גפנו ואיש תאנתו, ושתו איש מי-בורו.

17 עד-בואי, ולקחתי אתכם אל-ארץ כארצכם: ארץ דגן ותירוש, ארץ לחם וכרמים.

18 פן-יסית אתכם חזקייהו לאמור, יהוה יצילנו; ההצילו אלוהי הגויים, איש את-ארצו, מיד, מלך אשור.

19 איה אלוהי חמת, וארפד--איה, אלוהי ספרוויים; וכי-הצילו את-שומרון, מידי.

20 מי, בכל-אלוהי הארצות האלה, אשר-הצילו את-ארצם, מידי; כי-יציל יהוה את-ירושלים, מידי.

21 ויחרישו, ולא-ענו אותו דבר: כי-מצות המלך היא לאמור, לא תענוהו.

22 ויבוא אליקים בן-חלקייהו אשר-על-הבית ושבנא הסופר ויואח בן-אסף המזכיר, אל-חזקייהו--קרועי בגדים; ויגידו לו, את דברי רבשקה. {ס}

פַּרשָׁנוּת

פרק זה מדגיש את מאבק הכוחות בין האימפריה האשורית לממלכת יהודה. יהירותו וחוסר הכבוד של סנחריב כלפי אלוהים ואנשיו מתגלים בסופו של דבר כנפילתו. האמונה והאמון באלוהים של חזקיהו וישעיהו שימשו השראה עבור בני ישראל בתקופה של סערה. זה גם מזכיר לנו שבעתות קושי, גם אנחנו יכולים לפנות לאלוהים כדי לקבל כוח והכוונה.