ויקרא 8

Name: ויקרא
Author: BiblePics
ISBN: Your ISBN Number

אלוהים ממנה את אהרון ובניו ככהנים, ונותן להם הוראות להקדשתם.

פסוקים

●

min

Bible version

1 וידבר יהוה, אל-משה לאמור.

2 קח את-אהרון, ואת-בניו איתו, ואת הבגדים, ואת שמן המשחה; ואת פר החטאת, ואת שני האילים, ואת, סל המצות.

3 ואת כל-העדה, הקהל, אל-פתח, אוהל מועד.

4 ויעש משה, כאשר ציווה יהוה אותו; ותיקהל, העדה, אל-פתח, אוהל מועד.

5 ויאמר משה, אל-העדה: זה הדבר, אשר-ציווה יהוה לעשות.

6 ויקרב משה, את-אהרון ואת-בניו; וירחץ אותם, במים.

7 וייתן עליו את-הכותונת, ויחגור אותו באבנט, וילבש אותו את-המעיל, וייתן עליו את-האיפוד; ויחגור אותו, בחשב האיפוד, ויאפוד לו, בו.

8 וישם עליו, את-החושן; וייתן, אל-החושן, את-האורים, ואת-התומים.

9 וישם את-המצנפת, על-ראשו; וישם על-המצנפת אל-מול פניו, את ציץ הזהב נזר הקודש, כאשר ציווה יהוה, את-משה.

10 וייקח משה את-שמן המשחה, וימשח את-המשכן ואת-כל-אשר-בו; ויקדש, אותם.

11 ויז ממנו על-המזבח, שבע פעמים; וימשח את-המזבח ואת-כל-כליו, ואת-הכיור ואת-כנו--לקדשם.

12 וייצוק משמן המשחה, על ראש אהרון; וימשח אותו, לקדשו.

13 ויקרב משה את-בני אהרון, וילבישם כותונות ויחגור אותם אבנט, ויחבוש להם, מגבעות--כאשר ציווה יהוה, את-משה.

14 ויגש, את פר החטאת; ויסמוך אהרון ובניו את-ידיהם, על-ראש פר החטאת.

15 וישחט, וייקח משה את-הדם וייתן על-קרנות המזבח סביב באצבעו, ויחטא, את-המזבח; ואת-הדם, יצק אל-יסוד המזבח, ויקדשהו, לכפר עליו.

16 וייקח, את-כל-החלב אשר על-הקרב, ואת יותרת הכבד, ואת-שתי הכליות ואת-חלבהן; ויקטר משה, המזבחה.

17 ואת-הפר ואת-עורו, ואת-בשרו ואת-פרשו--שרף באש, מחוץ למחנה: כאשר ציווה יהוה, את-משה.

18 ויקרב, את איל העולה; ויסמכו אהרון ובניו, את-ידיהם--על-ראש האיל.

19 וישחט; ויזרוק משה את-הדם על-המזבח, סביב.

20 ואת-האיל--ניתח, לנתחיו; ויקטר משה את-הראש, ואת-הנתחים ואת-הפדר.

21 ואת-הקרב ואת-הכרעיים, רחץ במים; ויקטר משה את-כל-האיל המזבחה, עולה הוא לריח-ניחוח אישה הוא ליהוה, כאשר ציווה יהוה, את-משה.

22 ויקרב את-האיל השני, איל המילואים; ויסמכו אהרון ובניו, את-ידיהם--על-ראש האיל.

23 וישחט--וייקח משה מדמו, וייתן על-תנוך אוזן-אהרון הימנית; ועל-בוהן ידו הימנית, ועל-בוהן רגלו הימנית.

24 ויקרב את-בני אהרון, וייתן משה מן-הדם על-תנוך אוזנם הימנית, ועל-בוהן ידם הימנית, ועל-בוהן רגלם הימנית; ויזרוק משה את-הדם על-המזבח, סביב.

25 וייקח את-החלב ואת-האליה, ואת-כל-החלב אשר על-הקרב, ואת יותרת הכבד, ואת-שתי הכליות ואת-חלבהן; ואת, שוק הימין.

26 ומסל המצות אשר לפני יהוה, לקח חלת מצה אחת וחלת לחם שמן אחת--ורקיק אחד; וישם, על-החלבים, ועל, שוק הימין.

27 וייתן את-הכול--על כפי אהרון, ועל כפי בניו; וינף אותם תנופה, לפני יהוה.

28 וייקח משה אותם מעל כפיהם, ויקטר המזבחה על-העולה; מילואים הם לריח ניחוח, אישה הוא ליהוה.

29 וייקח משה את-החזה, ויניפהו תנופה לפני יהוה: מאיל המילואים, למשה היה למנה, כאשר ציווה יהוה, את-משה.

30 וייקח משה משמן המשחה, ומן-הדם אשר על-המזבח, ויז על-אהרון על-בגדיו, ועל-בניו ועל-בגדי בניו איתו; ויקדש את-אהרון את-בגדיו, ואת-בניו ואת-בגדי בניו איתו.

31 ויאמר משה אל-אהרון ואל-בניו, בשלו את-הבשר פתח אוהל מועד, ושם תאכלו אותו, ואת-הלחם אשר בסל המילואים: כאשר ציוויתי לאמור, אהרון ובניו יאכלוהו.

32 והנותר בבשר, ובלחם--באש, תשרופו.

33 ומפתח אוהל מועד לא תצאו, שבעת ימים--עד יום מלאות, ימי מילואיכם: כי שבעת ימים, ימלא את-ידכם.

34 כאשר עשה, ביום הזה--ציווה יהוה לעשות, לכפר עליכם.

35 ופתח אוהל מועד תשבו יומם ולילה, שבעת ימים, ושמרתם את-משמרת יהוה, ולא תמותו: כי-כן, צוויתי.

36 ויעש אהרון, ובניו--את, כל-הדברים, אשר-ציווה יהוה, ביד-משה. {ס}

פַּרשָׁנוּת

ויקרא ח' הוא פרק המתאר את הסמכת אהרן ובניו לכהנים. זה מתחיל בכך שאלוהים מורה למשה לקחת את אהרון ובניו ולהביאם לפתח אוהל מועד. לאחר מכן מורה משה לשטוף אותם במים ולהלביש אותם בבגדי הכהונה. לאחר מכן מושחים את אהרון ובניו בשמן ומקריבים את הקורבנות. לאחר מכן, הפרק ממשיך ומתאר את ההצעות השונות שנעשו. אלה כוללים שור, שני איילים, סל מצות וקערת שמן. הפר הוקרבו כחטאת, שני האילים הוקרבו כעולה, והלחם והשמן הוקרבו כקורבן. לאחר הגשת המנחות, נתקדשו אהרן ובניו והופרדו ככוהנים. הפרק מסתיים בתזכורת לכך שהסמכת אהרן ובניו נעשתה על פי ציווי ה'. זה משמש כתזכורת לכך שה' הוא זה שמייחד ומקדש את המשרתים אותו. זה גם משמש כתזכורת לכך שהאדון הוא זה שמספק לנו את האמצעים להיות בקשר איתו.