שופטים, 4

Name: שופטים
Author: Author's Name
ISBN: Your ISBN Number

דבורה, נביאה, מובילה את ישראל לניצחון נגד הכנענים.

פסוקים

●

min

Bible version

1 ויוסיפו בני ישראל, לעשות הרע בעיני יהוה; ואהוד, מת.

2 וימכרם יהוה, ביד יבין מלך-כנען, אשר מלך, בחצור; ושר-צבאו, סיסרא, והוא יושב, בחרושת הגויים.

3 ויצעקו בני-ישראל, אל-יהוה: כי תשע מאות רכב-ברזל, לו, והוא לחץ את-בני ישראל בחוזקה, עשרים שנה. {פ}

4 ודבורה אישה נביאה, אשת לפידות--היא שופטה את-ישראל, בעת ההיא.

5 והיא יושבת תחת-תומר דבורה, בין הרמה ובין בית-אל--בהר אפריים; ויעלו אליה בני ישראל, למשפט.

6 ותשלח, ותקרא לברק בן-אבינועם, מקדש, נפתלי; ותאמר אליו הלוא ציווה יהוה אלוהי-ישראל, לך ומשכת בהר תבור, ולקחת עימך עשרת אלפים איש, מבני נפתלי ומבני זבולון.

7 ומשכתי אליך אל-נחל קישון, את-סיסרא שר-צבא יבין, ואת-רכבו, ואת-המונו; ונתתיהו, בידך.

8 ויאמר אליה ברק, אם-תלכי עימי והלכתי; ואם-לא תלכי עימי, לא אלך.

9 ותאמר הלוך אלך עימך, אפס כי לא תהיה תפארתך על-הדרך אשר אתה הולך--כי ביד-אישה, ימכור יהוה את-סיסרא; ותקם דבורה ותלך עם-ברק, קדשה.

10 ויזעק ברק את-זבולון ואת-נפתלי, קדשה, ויעל ברגליו, עשרת אלפי איש; ותעל עימו, דבורה.

11 וחבר הקיני נפרד מקין, מבני חובב חותן משה; ויט אוהלו, עד-אילון בצעננים אשר את-קדש.

12 ויגידו, לסיסרא: כי עלה ברק בן-אבינועם, הר-תבור.

13 ויזעק סיסרא את-כל-רכבו, תשע מאות רכב ברזל, ואת-כל-העם, אשר איתו--מחרושת הגויים, אל-נחל קישון.

14 ותאמר דבורה אל-ברק קום, כי זה היום אשר נתן יהוה את-סיסרא בידך--הלוא יהוה, יצא לפניך; ויירד ברק מהר תבור, ועשרת אלפים איש אחריו.

15 ויהם יהוה את-סיסרא ואת-כל-הרכב ואת-כל-המחנה, לפי-חרב--לפני ברק; ויירד סיסרא מעל המרכבה, וינס ברגליו.

16 וברק, רדף אחרי הרכב ואחרי המחנה, עד, חרושת הגויים; וייפול כל-מחנה סיסרא, לפי-חרב--לא נשאר, עד-אחד.

17 וסיסרא, נס ברגליו, אל-אוהל יעל, אשת חבר הקיני: כי שלום, בין יבין מלך-חצור, ובין, בית חבר הקיני.

18 ותצא יעל, לקראת סיסרא, ותאמר אליו סורה אדוני סורה אליי, אל-תירא; ויסר אליה האוהלה, ותכסהו בשמיכה.

19 ויאמר אליה השקיני-נא מעט-מים, כי צמאתי; ותפתח את-נאד החלב, ותשקהו--ותכסהו.

20 ויאמר אליה, עמוד פתח האוהל; והיה אם-איש יבוא ושאלך, ואמר היש-פה איש--ואמרת אין.

21 ותיקח יעל אשת-חבר את-יתד האוהל ותשם את-המקבת בידה, ותבוא אליו בלאט, ותתקע את-היתד ברקתו, ותצנח בארץ; והוא-נרדם ויעף, וימות.

22 והנה ברק, רודף את-סיסרא, ותצא יעל לקראתו, ותאמר לו לך ואראך את-האיש אשר-אתה מבקש; ויבוא אליה--והנה סיסרא נופל מת, והיתד ברקתו.

23 ויכנע אלוהים ביום ההוא, את יבין מלך-כנען, לפני, בני ישראל.

24 ותלך יד בני-ישראל, הלוך וקשה, על, יבין מלך-כנען--עד אשר הכריתו, את יבין מלך-כנען. {ש}

פַּרשָׁנוּת

בשופטים ד' אנו רואים את סיפורה של דבורה, נביאה ושופטת ישראל, וניצחונה על הצבא הכנעני. דבורה הייתה מנהיגה חזקה ואמיצה שהייתה מוכנה לעמוד על עמה ולהילחם על חירותם. היא קראה לברק, מנהיג צבאי, להוביל את צבא ישראל נגד הכנענים. ברק הסכים לעשות זאת, אך רק אם דבורה תתלווה אליו. דבורה הסכימה, ובני ישראל ניצחו בקרב. סיפורם של דבורה וברק הוא דוגמה מעוררת השראה לאמונה ואומץ לב מול מצוקה. דבורה הייתה מוכנה לשים את חייה על הסף כדי להגן על בני עמה, וברק היה מוכן ללכת בעקבותיה. הסיפור הזה משמש תזכורת לכך שלעולם אל לנו לפחד לעמוד על מה שנכון, גם כשהסיכויים נגדנו. עלינו גם לזכור שאלוהים תמיד איתנו, והוא ייתן לנו את הכוח והאומץ להתמודד עם כל אתגר.