בראשית 24
עֶבֶד אַבְרָהָם נִשְׁלַח לְמָצָא אִשָּׁה לְיִצְחָק, וְהוּא מוֹצָא אֶת רִבְקָה.
67
פסוקים
●
6
min
Bible version
1 ואברהם זקן, בא בימים; ויהוה בירך את-אברהם, בכול.
2 ויאמר אברהם, אל-עבדו זקן ביתו, המושל, בכל-אשר-לו: שים-נא ידך, תחת ירכי.
3 ואשביעך--ביהוה אלוהי השמיים, ואלוהי הארץ: אשר לא-תיקח אישה, לבני, מבנות הכנעני, אשר אנוכי יושב בקרבו.
4 כי אל-ארצי ואל-מולדתי, תלך; ולקחת אישה, לבני ליצחק.
5 ויאמר אליו, העבד, אוליי לא-תאבה האישה, ללכת אחריי אל-הארץ הזאת; ההשב אשיב את-בנך, אל-הארץ אשר-יצאת משם.
6 ויאמר אליו, אברהם: הישמר לך, פן-תשיב את-בני שמה.
7 יהוה אלוהי השמיים, אשר לקחני מבית אבי ומארץ מולדתי, ואשר דיבר-לי ואשר נשבע-לי לאמור, לזרעך אתן את-הארץ הזאת--הוא, ישלח מלאכו לפניך, ולקחת אישה לבני, משם.
8 ואם-לא תאבה האישה, ללכת אחריך--וניקית, משבועתי זאת; רק את-בני, לא תשב שמה.
9 וישם העבד את-ידו, תחת ירך אברהם אדוניו; ויישבע לו, על-הדבר הזה.
10 וייקח העבד עשרה גמלים מגמלי אדוניו, וילך, וכל-טוב אדוניו, בידו; ויקם, וילך אל-ארם נהריים--אל-עיר נחור.
11 ויברך הגמלים מחוץ לעיר, אל-באר המים, לעת ערב, לעת צאת השואבות.
12 ויאמר--יהוה אלוהי אדוני אברהם, הקרה-נא לפניי היום; ועשה-חסד, עם אדוני אברהם.
13 הנה אנוכי ניצב, על-עין המים; ובנות אנשי העיר, יוצאות לשאוב מים.
14 והיה הנערה, אשר אומר אליה הטי-נא כדך ואשתה, ואמרה שתה, וגם-גמליך אשקה--אותה הוכחת, לעבדך ליצחק, ובה אדע, כי-עשית חסד עם-אדוני.
15 ויהי-הוא, טרם כילה לדבר, והנה רבקה יוצאת אשר יולדה לבתואל בן-מלכה, אשת נחור אחי אברהם; וכדה, על-שכמה.
16 והנערה, טובת מראה מאוד--בתולה, ואיש לא ידעה; ותרד העינה, ותמלא כדה ותעל.
17 וירץ העבד, לקראתה; ויאמר, הגמיאיני נא מעט-מים מכדך.
18 ותאמר, שתה אדוני; ותמהר, ותורד כדה על-ידה--ותשקהו.
19 ותכל, להשקותו; ותאמר, גם לגמליך אשאב, עד אם-כילו, לשתות.
20 ותמהר, ותער כדה אל-השוקת, ותרץ עוד אל-הבאר, לשאוב; ותשאב, לכל-גמליו.
21 והאיש משתאה, לה; מחריש--לדעת ההצליח יהוה דרכו, אם-לא.
22 ויהי, כאשר כילו הגמלים לשתות, וייקח האיש נזם זהב, בקע משקלו--ושני צמידים על-ידיה, עשרה זהב משקלם.
23 ויאמר בת-מי את, הגידי נא לי; היש בית-אביך מקום לנו, ללין.
24 ותאמר אליו, בת-בתואל אנוכי--בן-מלכה, אשר ילדה לנחור.
25 ותאמר אליו, גם-תבן גם-מספוא רב עימנו--גם-מקום, ללון.
26 וייקוד האיש, וישתחו ליהוה.
27 ויאמר, ברוך יהוה אלוהי אדוני אברהם, אשר לא-עזב חסדו ואמיתו, מעם אדוני; אנוכי, בדרך נחני יהוה, בית, אחי אדוני.
28 ותרץ, הנערה, ותגד, לבית אימה--כדברים, האלה.
29 ולרבקה אח, ושמו לבן; וירץ לבן אל-האיש החוצה, אל-העין.
30 ויהי כראות את-הנזם, ואת-הצמידים על-ידי אחותו, וכשומעו את-דברי רבקה אחותו לאמור, כה-דיבר אליי האיש; ויבוא, אל-האיש, והנה עומד על-הגמלים, על-העין.
31 ויאמר, בוא ברוך יהוה; למה תעמוד, בחוץ, ואנוכי פיניתי הבית, ומקום לגמלים.
32 ויבוא האיש הביתה, ויפתח הגמלים; וייתן תבן ומספוא, לגמלים, ומים לרחוץ רגליו, ורגלי האנשים אשר איתו.
33 ויושם לפניו, לאכול, ויאמר לא אוכל, עד אם-דיברתי דבריי; ויאמר, דבר.
34 ויאמר: עבד אברהם, אנוכי.
35 ויהוה בירך את-אדוני, מאוד--ויגדל; וייתן-לו צאן ובקר, וכסף וזהב, ועבדים ושפחות, וגמלים וחמורים.
36 ותלד שרה אשת אדוני בן, לאדוני, אחרי, זקנתה; וייתן-לו, את-כל-אשר-לו.
37 וישביעני אדוני, לאמור: לא-תיקח אישה, לבני, מבנות הכנעני, אשר אנוכי יושב בארצו.
38 אם-לא אל-בית-אבי תלך, ואל-משפחתי; ולקחת אישה, לבני.
39 ואומר, אל-אדוני: אוליי לא-תלך האישה, אחריי.
40 ויאמר, אליי: יהוה אשר-התהלכתי לפניו, ישלח מלאכו איתך והצליח דרכך, ולקחת אישה לבני, ממשפחתי ומבית אבי.
41 אז תינקה מאלתי, כי תבוא אל-משפחתי; ואם-לא ייתנו לך, והיית נקי מאלתי.
42 ואבוא היום, אל-העין; ואומר, יהוה אלוהי אדוני אברהם, אם-ישך-נא מצליח דרכי, אשר אנוכי הולך עליה.
43 הנה אנוכי ניצב, על-עין המים; והיה העלמה, היוצאת לשאוב, ואמרתי אליה, השקיני-נא מעט-מים מכדך.
44 ואמרה אליי גם-אתה שתה, וגם לגמליך אשאב--היא האישה, אשר-הוכיח יהוה לבן-אדוני.
45 אני טרם אכלה לדבר אל-ליבי, והנה רבקה יוצאת וכדה על-שכמה, ותרד העינה, ותשאב; ואומר אליה, השקיני נא.
46 ותמהר, ותורד כדה מעליה, ותאמר שתה, וגם-גמליך אשקה; ואשת, וגם הגמלים השקתה.
47 ואשאל אותה, ואומר בת-מי את, ותאמר בת-בתואל בן-נחור, אשר ילדה-לו מלכה; ואשים הנזם על-אפה, והצמידים על-ידיה.
48 ואקוד ואשתחווה, ליהוה; ואברך, את-יהוה אלוהי אדוני אברהם, אשר הנחני בדרך אמת, לקחת את-בת-אחי אדוני לבנו.
49 ועתה אם-ישכם עושים חסד ואמת, את-אדוני--הגידו לי; ואם-לא--הגידו לי, ואפנה על-ימין או על-שמאל.
50 ויען לבן ובתואל ויאמרו, מיהוה יצא הדבר; לא נוכל דבר אליך, רע או-טוב.
51 הנה-רבקה לפניך, קח ולך; ותהי אישה לבן-אדוניך, כאשר דיבר יהוה.
52 ויהי, כאשר שמע עבד אברהם את-דבריהם; וישתחו ארצה, ליהוה.
53 ויוצא העבד כלי-כסף וכלי זהב, ובגדים, וייתן, לרבקה; ומגדנות--נתן לאחיה, ולאימה.
54 ויאכלו וישתו, הוא והאנשים אשר-עימו--וילינו; ויקומו בבוקר, ויאמר שלחוני לאדוני.
55 ויאמר אחיה ואימה, תשב הנערה איתנו ימים או עשור; אחר, תלך.
56 ויאמר אליהם אל-תאחרו אותי, ויהוה הצליח דרכי; שלחוני, ואלכה לאדוני.
57 ויאמרו, נקרא לנערה, ונשאלה, את-פיה.
58 ויקראו לרבקה ויאמרו אליה, התלכי עם-האיש הזה; ותאמר, אלך.
59 וישלחו את-רבקה אחותם, ואת-מינקתה, ואת-עבד אברהם, ואת-אנשיו.
60 ויברכו את-רבקה, ויאמרו לה--אחותנו, את היי לאלפי רבבה; ויירש זרעך, את שער שונאיו.
61 ותקם רבקה ונערותיה, ותרכבנה על-הגמלים, ותלכנה, אחרי האיש; וייקח העבד את-רבקה, וילך.
62 ויצחק בא מבוא, באר לחי רואי; והוא יושב, בארץ הנגב.
63 וייצא יצחק לשוח בשדה, לפנות ערב; ויישא עיניו וירא, והנה גמלים באים.
64 ותישא רבקה את-עיניה, ותרא את-יצחק; ותיפול, מעל הגמל.
65 ותאמר אל-העבד, מי-האיש הלזה ההולך בשדה לקראתנו, ויאמר העבד, הוא אדוני; ותיקח הצעיף, ותתכס.
66 ויספר העבד, ליצחק, את כל-הדברים, אשר עשה.
67 ויביאהא יצחק, האוהלה שרה אימו, וייקח את-רבקה ותהי-לו לאישה, ויאהבהא; ויינחם יצחק, אחרי אימו. {פ}
פַּרשָׁנוּת
בראשית כ"ד הוא סיפורו של אברהם ששלח את משרתו למצוא אישה לבנו יצחק. אברהם זקן ואשתו שרה נפטרה, ולכן הוא דואג למצוא אישה לבנו. המשרת נשלח למולדתו של אברהם, מסופוטמיה, כדי למצוא אישה ליצחק. המשרת מתפלל לאלוהים להדרכה ואלוהים עונה לתפילתו. הוא פוגש את רבקה, שהיא קרובת משפחה של אברהם, והיא מסכימה לחזור איתו להתחתן עם יצחק. פרק זה הוא תזכורת לחשיבות התפילה והאמון באלוהים. עבד אברהם ציית לאדונו ובוטח באלוהים שיספק אישה ליצחק. הוא מתפלל להדרכה ואלוהים עונה לתפילתו. רבקה היא האישה המושלמת ליצחק והיא קרובת משפחה של אברהם, מה שמראה שאלוהים שומר על עמו. פרק זה מראה גם את חשיבות המשפחה וכיצד אלוהים יכול להשתמש במשפחה כדי להביא לרצונו. פרק זה הוא תזכורת לכך שאלוהים שולט ושהוא יפרנס את עמו. אנו יכולים לסמוך עליו ולהתפלל להדרכה והוא יענה לתפילותינו. אנחנו יכולים גם לסמוך על המשפחות שלנו ועל מערכות היחסים שאלוהים בירך אותנו בהן. אלוהים נאמן והוא יספק אותנו אם נבטח בו.
שאלות נפוצות
בהנחה שקורא עם מהירות קריאה ממוצעת של 300 WPM קורא את הספר של בראשית, פרקים 24 זה ייקח בערך 6 דקות לסיום.
יש 67 verses in בראשית, פרקים 24.