יחזקאל, 3

Name: יחזקאל
Author: BiblePics
ISBN: Your ISBN Number

ביחזקאל פרק ג', אלוהים קורא וממנה את יחזקאל כנביא לבני ישראל בגלות. יחזקאל מקבל מגילה לאכול, המסמלת את דברי אלוהים שהוא יכריז. הוא גם מוזהר שהעם לא ישמע לו בגלל עקשנותו ומרדם.

פסוקים

●

min

Bible version

1 ויאמר אליי--בן-אדם, את אשר-תמצא אכול: אכול את-המגילה הזאת, ולך דבר אל-בית ישראל.

2 ואפתח, את-פי; ויאכילני, את המגילה הזאת.

3 ויאמר אליי, בן-אדם בטנך תאכל ומעיך תמלא, את המגילה הזאת, אשר אני נותן אליך; ואוכלה, ותהי בפי כדבש למתוק. {פ}

4 ויאמר, אליי: בן-אדם, לך-בוא אל-בית ישראל, ודיברת בדבריי, אליהם.

5 כי לא אל-עם עמקי שפה, וכבדי לשון--אתה שלוח: אל-בית, ישראל.

6 לא אל-עמים רבים, עמקי שפה וכבדי לשון, אשר לא-תשמע, דבריהם; אם-לא אליהם שלחתיך, המה ישמעו אליך.

7 ובית ישראל, לא יאבו לשמוע אליך--כי-אינם אובים, לשמוע אליי: כי כל-בית ישראל, חזקי-מצח וקשי-לב המה.

8 הנה נתתי את-פניך חזקים, לעומת פניהם; ואת-מצחך חזק, לעומת מצחם.

9 כשמיר חזק מצור, נתתי מצחך: לא-תירא אותם ולא-תיחת מפניהם, כי בית מרי המה. {פ}

10 ויאמר, אליי: בן-אדם--את-כל-דבריי אשר אדבר אליך, קח בלבבך ובאוזניך שמע.

11 ולך בוא אל-הגולה, אל-בני עמך, ודיברת אליהם ואמרת אליהם, כה אמר אדוניי יהוה: אם-ישמעו, ואם-יחדלו.

12 ותישאני רוח--ואשמע אחריי, קול רעש גדול: ברוך כבוד-יהוה, ממקומו.

13 וקול כנפי החיות, משיקות אישה אל-אחותה, וקול האופנים, לעומתם; וקול, רעש גדול.

14 ורוח נשאתני, ותיקחני; ואלך מר בחמת רוחי, ויד-יהוה עליי חזקה.

15 ואבוא אל-הגולה תל אביב היושבים אל-נהר-כבר, ואשב--המה, יושבים שם; ואשב שם שבעת ימים, משמים בתוכם.

16 ויהי, מקצה שבעת ימים; {פ} ויהי דבר-יהוה, אליי לאמור.

17 בן-אדם, צופה נתתיך לבית ישראל; ושמעת מפי דבר, והזהרת אותם ממני.

18 באומרי לרשע, מות תמות, ולא הזהרתו ולא דיברת להזהיר רשע מדרכו הרשעה, לחייותו--הוא רשע בעוונו ימות, ודמו מידך אבקש.

19 ואתה, כי-הזהרת רשע, ולא-שב מרשעו, ומדרכו הרשעה--הוא בעוונו ימות, ואתה את-נפשך הצלת.

20 ובשוב צדיק מצדקו ועשה עוול, ונתתי מכשול לפניו הוא ימות: כי לא הזהרתו, בחטאתו ימות, ולא תיזכרנה צדקותיו אשר עשה, ודמו מידך אבקש.

21 ואתה כי הזהרתו צדיק, לבלתי חטוא צדיק--והוא לא-חטא: חיה יחיה כי נזהר, ואתה את-נפשך הצלת. {פ}

22 ותהי עליי שם, יד-יהוה; ויאמר אליי, קום צא אל-הבקעה, ושם, אדבר אותך.

23 ואקום, ואצא אל-הבקעה, והנה-שם כבוד-יהוה עומד, ככבוד אשר ראיתי על-נהר-כבר; ואפול, על-פניי.

24 ותבוא-בי רוח, ותעמידני על-רגליי; וידבר אותי ויאמר אליי, בוא היסגר בתוך ביתך.

25 ואתה בן-אדם, הנה נתנו עליך עבותים, ואסרוך, בהם; ולא תצא, בתוכם.

26 ולשונך, אדביק אל-חיכך, ונאלמת, ולא-תהיה להם לאיש מוכיח: כי בית מרי, המה.

27 ובדברי אותך, אפתח את-פיך, ואמרת אליהם, כה אמר אדוניי יהוה; השומע ישמע והחדל יחדל, כי בית מרי המה. {פ}

פַּרשָׁנוּת

קריאתו של יחזקאל להתנבא לבני ישראל הגולים הייתה משימה לא פשוטה. כנביא, הוא נקרא להיות שומר שהזהיר את האנשים מפני סכנה קרובה ועודד אותם לחזור לאלוהים. אולם העם היה עקשן ומרד, מה שהקשה על יחזקאל לעבור אליהם. אך למרות האתגרים, יחזקאל היה נאמן לייעודו והמשיך לנבא את דבר ה'. פרק זה מלמד אותנו שכאשר אלוהים קורא לנו למשימה, הוא יצייד אותנו בכל מה שאנחנו צריכים כדי לבצע אותה, גם מול התנגדות. עלינו גם להיות מוכנים לציית ולמלא בנאמנות את המשימות שנתנו אלוהים, ללא קשר לקושי.