יחזקאל 14

Name: יחזקאל
Author: BiblePics
ISBN: Your ISBN Number

ביחזקאל פרק 14, אלוהים מדבר אל יחזקאל על נביאי השקר שהובילו את עמו שולל. הוא מזהיר שאנשים אלה ייקחו דין וחשבון על מעשיהם ושהם לא יוכלו להציל את עצמם או את חסידיהם מפסק הדין הממשמש ובא.

פסוקים

●

min

Bible version

1 ויבוא אליי אנשים, מזקני ישראל; ויישבו, לפניי. {פ}

2 ויהי דבר-יהוה, אליי לאמור.

3 בן-אדם, האנשים האלה העלו גילוליהם על-ליבם, ומכשול עוונם, נתנו נוכח פניהם: האידרוש אידרש, להם. {ס}

4 לכן דבר-אותם ואמרת אליהם כה-אמר אדוניי יהוה, איש איש מבית ישראל אשר יעלה את-גילוליו אל-ליבו ומכשול עוונו ישים נוכח פניו, ובא, אל-הנביא: אני יהוה, נעניתי לו בא--ברוב גילוליו.

5 למען תפוש את-בית-ישראל, בליבם, אשר נזורו מעליי, בגילוליהם כולם. {ס}

6 לכן אמור אל-בית ישראל, כה אמר אדוניי יהוה, שובו והשיבו, מעל גילוליכם; ומעל כל-תועבותיכם, השיבו פניכם.

7 כי איש איש מבית ישראל, ומהגר אשר-יגור בישראל, ויינזר מאחריי ויעל גילוליו אל-ליבו, ומכשול עוונו ישים נוכח פניו; ובא אל-הנביא, לדרוש-לו בי--אני יהוה, נענה-לו בי.

8 ונתתי פניי באיש ההוא, והשימותיהו לאות ולמשלים, והכרתיו, מתוך עמי; וידעתם, כי-אני יהוה. {ס}

9 והנביא כי-יפותה, ודיבר דבר--אני יהוה פיתיתי, את הנביא ההוא; ונטיתי את-ידי, עליו, והשמדתיו, מתוך עמי ישראל.

10 ונשאו, עוונם: כעוון, הדורש--כעוון הנביא, יהיה.

11 למען לא-יתעו עוד בית-ישראל, מאחריי, ולא-ייטמאו עוד, בכל-פשעיהם; והיו-לי לעם, ואני אהיה להם לאלוהים--נאום, אדוניי יהוה. {פ}

12 ויהי דבר-יהוה, אליי לאמור.

13 בן-אדם, ארץ כי תחטא-לי למעול-מעל, ונטיתי ידי עליה, ושברתי לה מטה-לחם; והשלחתי-בה רעב, והכרתי ממנה אדם ובהמה.

14 והיו שלושת האנשים האלה, בתוכה--נוח, דנייאל ואיוב: המה בצדקתם ינצלו נפשם, נאום אדוניי יהוה.

15 לו-חיה רעה אעביר בארץ, ושיכלתה; והייתה שממה מבלי עובר, מפני החיה.

16 שלושת האנשים האלה, בתוכה--חי-אני נאום אדוניי יהוה, אם-בנים ואם-בנות יצילו: המה לבדם יינצלו, והארץ תהיה שממה.

17 או חרב אביא, על-הארץ ההיא; ואמרתי, חרב תעבור בארץ, והכרתי ממנה, אדם ובהמה.

18 ושלושת האנשים האלה, בתוכה--חי-אני נאום אדוניי יהוה, לא יצילו בנים ובנות: כי הם לבדם, יינצלו.

19 או דבר אשלח, אל-הארץ ההיא; ושפכתי חמתי עליה בדם, להכרית ממנה אדם ובהמה.

20 ונוח דנייאל ואיוב, בתוכה--חי-אני נאום אדוניי יהוה, אם-בן אם-בת יצילו: המה בצדקתם, יצילו נפשם. {פ}

21 כי כה אמר אדוניי יהוה, אף כי-ארבעת שפטיי הרעים חרב ורעב וחיה רעה ודבר, שילחתי, אל-ירושלים--להכרית ממנה, אדם ובהמה.

22 והנה נותרה-בה פליטה, המוצאים בנים ובנות--הנם יוצאים אליכם, וראיתם את-דרכם ואת-עלילותם; וניחמתם, על-הרעה אשר הבאתי על-ירושלים--את כל-אשר הבאתי, עליה.

23 וניחמו אתכם, כי-תראו את-דרכם ואת-עלילותם; וידעתם, כי לא חינם עשיתי את כל-אשר-עשיתי בה--נאום, אדוניי יהוה. {פ}

פַּרשָׁנוּת

המסר של יחזקאל רלוונטי גם היום שכן נביאי השקר ממשיכים להתקיים בעולמנו. אנשים אלה טוענים שיש להם מסר מאלוהים, אך תורתם מנוגדת לרוב לכתבי הקודש וחסרה את שכנועה של רוח הקודש. לנוצרים חשוב להבחין בנביאי שקר ולהתרחק מתורתם, פן ניפול טרף לרמאתם. כמאמינים, ההתמקדות שלנו צריכה להיות בחיפוש אחר האמת של דבר אלוהים וללכת אחריו בכל ליבנו, מוחנו ונשמתנו. בכך נוכל להימנע מהשיפוט שבוודאי יבוא על אלה שדוחים את אלוהים ופונים לאלילי שקר.